خپګان | نعمان دوست
ماشوم، تورې پلاستیکي کڅوړه کې پیچلي شي ته ګوته ونیوله:
پلاره!
دا څه شی دی؟
– پام، ور نږدې نشې ماین دی!
له دې سره ماشوم چیغه کړه ، پړ مخې ولوید او په ژړا یې ویل:
که دلته وچوي، که زه پکې مړ شم …
پلار، هلک غیږ کې ونیوه، شیبه په شیبه یې په سر ښکلوه او همدا یې ویل:
خدای دې نکړي زویه، داسې مه وایه، زړه به مې وچوي.
د ټلویزیون پر سکرین عاجل خبر راغی، په ماین الوتي موټر لمبې بلیدې . خلکو د اور په غیږ کې ایسارو انسانانو ته کتلې؛ خو هیڅوک ور نږدې کیدای نشول.
۲۰۲۰.۱۲.۳۱