په مرکزي بغلان کې ۲۸ تومانچې او نارنجکویشتونکی نیول شوي
د بغلان ولایت په مرکزي بغلان ولسوالۍ کې امنیتي ځواکونو ۲۸ میله تومانچې او یو نارنجکویشتونکی کشف او ترلاسه کړي دي.
د بغلان ولایت مقام مطبوعاتي دفتر په خبرپاڼه کې ویلي، دغه وسلې د امنیتي ځواکونو د عملیاتو پر مهال موندل شوې دي. سرچینې د عملیاتو د څرنګوالي او ځای په اړه نور جزئیات نه دي ورکړي.
د ولایت مقام په وینا، په تړاو یې څو کسان هم نیول شوي دي. نیول شوو کسانو امنیتي ادارو ته ویلي چې د وسلو په ترمیم بوخت وو.
خبرپاڼه زیاتوي چې یاد کسان د وسلو په پېر او پلور کې هم لاس درلود. دا ادعاوې لا د اړوندو امنیتي څېړنو له بشپړېدو مخکې مطرح شوې دي.
نیول شوي کسان اوس د مرکزي بغلان ولسوالۍ د امنیې قوماندانۍ په توقیف کې دي او د موضوع په اړه ترې څېړنې روانې دي.