افغانستان د ۱۹ کلنو اسیا جام په لومړۍ لوبه کې بنګلهدېش مات کړ
د افغانستان د ۱۹ کلنو کرکټ لوبډلې د ځوانانو اسیا جام سیالیو په لومړۍ لوبه کې بنګلهدېش ته د ۱۱۳ منډو په توپیر ماتې ورکړه. دغه سیالۍ د عمان په کوربهتوب پیل شوې دي.
افغان لوبډلې لومړی توپ وواهه او بنګلهدېش ته یې د بریا لپاره د ۲۳۲ منډو هدف وټاکه. فیصل مبارز د افغانستان لپاره تر ټولو اغېزمن توپوهونکی و او ۸۳ منډې یې جوړې کړې.
بنګلهدېش ونه توانېد چې ټاکل شوی هدف تعقیب کړي او خپله پاڼۍ یې په ۱۱۸ منډو پای ته ورسوله. په دې توګه افغانستان د سیالۍ لومړۍ بریا په څرګند توپیر ترلاسه کړه.
د افغانستان په توپاچوونکو کې امیر حمزه، نورعلي نیازي او سمیعالله مبارز هر یوه د بنګلهدېش درې لوبغاړي وسوځول. د لوبډلې مشر سهیل خان هم یو وېکټ واخیست.
د افغانستان د ۱۹ کلنو لوبډلې دویمه لوبه به د شنبې په ورځ له مالیزیا سره ترسره شي. دا لوبه به د دې ټورنمنټ په ډلهییز پړاو کې د افغان لوبډلې د دویمې سیالۍ په توګه وي.
په ورته مهال، په شارجه کې د افغانستان او زمبابوې د ملي لوبډلو ترمنځ د ټېسټ لوبه هم پیل شوې ده. زمبابوې په دغه پنځهورځنۍ لوبه کې لومړی توپوهنه کوي او افغانستان یې کوربه دی.