رحمت شاه سايل

زما د خوږ ژوندون د مينې پــسرلــــــــــو مـلګرو
زما د خيال زما د مينې ليـــــــــونـــــــــو ملــګرو

د ګل په څانګه و ژوندون که په ازغو مــــــــلګرو
مونږ په هر حال کښې ښه په مينه تيروو ملګرو

وخــــــــت که به هر څه و د مينې پښتنو ملګرو
مونږ بــــــه د ګل هسې نظر کښې غوړو ملګرو

زما دخيــــــــال زمـــــــــا د فکـــر او جذبو ملګرو
اې د خوږې مينې د لارو د کـــــــوڅـــــــو ملګرو

د مستقبل د خيال د ټولو رنګــــــــــــينو ملــــګرو
د پښتنى فکر د دشــــــتو او ميـــــــرو ملـــــګرو

مونږ د ادراک او د عمــــــــل پـــه لاره تګ هم کوو
مونږه د تګ دپاره هر چاته يـــــــو غـــــــږ هم کوو

زما تصوير زمـــــــــــا غزل زمـــــــــا سنــــــــدره واوره
په فن پارو شونـــــــډو د ژونـــد د لار خبـــــــــره واوره

ستا د تاو کړو بنړو غشى پــــــــــرې ولاړ ګــــــــرځوم
باقى قصه زمــــــــــا د زړه د هـــــــر پــــرهــــره واوره

په مخ ئې اوښــــــــکې او په شونډو د انکار ټکى دى
زړګيه راشه کــــــــــنه!  بـــــــــله د دلبـــــــــره واوره

نن آئيــــــــــنې تـــــــــه ډيـــــــر ډير اوګوره زما دپاره
زما د قــــــــتل فيصله د خـــــــــــپل دلبــــــــره واوره

يه د زړه دړده ځايې د خپل دړد په کتاب کښې ورکه
د آدم خــــان او درخــــــــانـــئ قصــــه د سره واوره

د ماښامو خيالونو ټول قياسونه ټـــــــــولې معـــــنې
لکه د نن بڼګړو د شړنګ د مــــــــــازيــــــــګره واوره

د خپلې مينې د سائل ليـــــــــونـــــــى خواله راشه
د زړه درزا ئې د غلـــــبيل غلبـــــيل ځيـــــــګره واوره

د
ښاغلي رحمت شاه "سائل" لنډه پېژندنه

رحمت
شاه "سائل"  د امين ګل  زوی دی چې په ۱۳۲۸ هـ ل 
کال د پېښور د ملاکنډ ايجنسۍ د درګی د سيمې د ورتير په نوم کلي کې
زېږېدلی دی. زده کړه يې تر څلورم ټولګي پورې کړې، خو په ليک لوست
ډېر ښه پوهيږي. د پښتو ژبې يو بيدارمغز او د حساس ذهن شاعر دی.

د
رحمت شاه "سائل" نوم د ډېر شهرت لرونکی دی. د خپل ادبي فعاليت په
دوران کې يې دغه لاندې علمي او ادبي کارونه هم کړي دي چې د پښتو
پاڼکه به پرې د تل لپاره درنه وي.

۱-
ريبار
ـــ د شعرونو لومړۍ ټولګه.
۲-
سره
بڅري
ـــ د انقلابي نظمونو او شعرونو ټولګه.
۳-
د
وير په چم کې وار د نغمو دی
ـــ د شعرونو بله ټولګه.
۴-
د
لمبو سيوری
ـــ د شعرونو ټولګه.
پاتې
دې نه وي چې د "سائل" صېب نورې ټولګې هم د چاپ لاندې دي.

له
"دا ليکوال او دا څېرې" څخه

څړ یکه د
سائل
د زړه پرهر اوکړه
زلفې کړه خورې ورې ، ډیوه راوړه

اوښکې څه
داسې چل په سترګو د جانان کې کوي
لکه واړه چې پټ پټوڼی په باران کې کوي

چې زړه ترې غواړي، سر ترې غواړي د خیال اور ترې غواړي
سائل
ژوندون د داسې مینې په درمان کې کوي

سرې شګې
الوتې د ګل موسم نه ؤ جانانه
خو ستا یو یو نظر د ګل نه کم نه ؤ جانانه

نن څه چل ؤ ، شکي خو د
سائل
په مینه نه وې؟
په زلفو کې دې هغه پیچ وخم نه ؤ جانانه

لکه د اوښکې
زړه ژور نه لري
داسې موجونه سمندر نه لري

قیصه زما د مستقبل
سائله
چې شپه لري څنګ به سحر نه لري

څلوریزه

ستا د حسن د
اسمان انګړ خالي شو
ستا د خال د خندا ستوری پکې نشته

پښتونخواه شوه دهاړ سره
غرمه سائله

د ګلـــونو
د ســــــر سیوری پکې  نشته

څه رشته خو بویه د وطن سره "سائله"
کور دې پکښې نه سهي خو ګور پکښې پیدا که
 

چې په خندا ورته د خوږ زړه پرهرونه نشي
چېرې دې هم ستا د ښايست غوټۍ ګلونه نشي

راشه مظلوم زړه مې په يو نظر يوه لمبه کړه
چې په ظالم زړګي دې پاتې ارمانونه  نشي

بيا د جنون مستي ځواني غواړي د مستې مينې
بيا چېرته خيال د تورو زلفو ځنځيرونه نشي

په دُعاګانو مې د خوږ زړګي  دردونه نه ځي
څو چې ښېرې د شونډو تړم ټکورونه نشي

وړې مې د روح جنازه چېرته د خندا په اوږو
په وينو سره دې ترې شينکي شينکي خالونه نشي

د
نظر غشي مې په زړه باندې په پام اوروه
چېرته زخمي پکې دا ستا نازک يادونه نشي

خاموشې شونډې مې لوستې بيدارېدې ويل يې
اورونه مه چېړه لوګي دې پرې فکرونه نشي

ويده دنيا ای د (سائل ) قلمه مه لړزوه
د فريادي اوښکو مات ستوري تندرونه نشي