فدامحمد نومير

لږڅه وخوځه له ځايه
يوو قدم پرمخ اوچت کړه
زلزلې دي توپانونه
شل خونه ئې حرکت کړه
سترګي ورغړوه ځيرسه
په ماحول کي څه تيريږي
ړوند هم نه ئې په ککيو
توره شپه نن سبا کيږي
غوږ دي ونيسه ښه واوره
ورکوي دي پسپسکا ده
نغارې چي هم نه اورې
دادچا،که ستاګنا ده
ورکيدو ته دي يوو سوي
خپل،پردي په يووصلاح دي
ته دمرګ په خوب ويده ئې
ټول سا ه کښ ستادارواح دي
دادودونه دباروتو
اودا سرې لمبې دڅه دي
چي دي کور،کهول درسوځي
پوه سه داچي دا په څه دي
اجازت دۍ چا ورکړی
هر پلؤ چي غورځي پرځي
دادچڼ په نوم راوتي
چي دي کور،کلي کي ګرځي
کاکابيائي،مامابيائي
دمظنون،شرير په جرم
پلاردي وژني ستاپه مخکي
داغربي ليوان په ظلم
ادې وينو کي لت پت ده
دخورکۍ هم احوال نسته
دې وحشيانو،درندو څه
دپوښتني مجال نسته
وروردي هم په دښتوګرځي
غرو،رغوکې امان نسته
انعامونه ئې پر سر دي
چيري هم ئې مکان نسته
همزولان دي اواره دي
سرګردان په تورو غروکي
ددښمن جنګ ته دي وتي
خوب ئې نسته نيمو شپوکي
ستادپلار انتقام اخلي
ددې دهر له ليوانو
شال پرسر به دي دخور کړي
دعا کړه د همزولانو
نو بچۍ دافغان واوره
له دې دروندخوبه راويښ سه
که نه ورک به له دنيا سې
بيا به نه وي،لاره چاره
٧٢،اکتوبر،٢٠١٠
متحده ايالات،کلفورنيا

راته مه وايه يوو غل دی،ټوله غله دي
داهمه واړه د لوی لالا په پله دي
اوښ د بار سره عجيب په ګنډه منډي
پلار،نيکونوڅه په غلا کي ښه پاخه دي
ديتيم،کونډي په سراومال دريغ نه کړي
چور،چپاؤ لره همه په يوه خوله دي
په ديوال نه، په درشل ننوزي کور ته
ها د لوی کلي شوکمار ئې په پاله دي
کور ئې ډک دسيم و زره او پيسو دی
روبل،پونډ،ايرو،ډالر ئې په تاله دي
يووئې نه دی چي نن لاس په لاس نيوه شي
خان،ملک،پيراو ملا ورسره مله دي
څه شکوه اوشکايت ترې کليوال کړي
داسپين سترګي دخيرک دکور کاله دي
نوامبر،اوله،٢٠١٠
متحده ايلات،کلفورنيا

يوو زمری ؤ،يووګيدړ ؤ،يووچغال ؤ
دځنګله په قباله ئې قيل وقال ؤ
ګډوډي،ناارامي وه په هرلوري
په دې شخړه ورځ،بيګاه قتل وقتال ؤ
هرساکښ دکاروباره ؤلويدلی
سرامني ولوی،واړه لره جنجال ؤ
فيل وپړانګ په غار له وهم وه ننوتي
دهرکس په همدي څيرحال واحوال ؤ
يوو مکار اوبل ډارن زمري ته يوو وه
اخښل سوی ئې په خټه دا خصال ؤ
دومره لويه ادعا کله چغال کړې
په دې کارکي دګيدړ لاس اوکمال ؤ
خرس وخوګ،ګيدړ په ځان وه راټول کړي
غوړولی ئې زمري ته دام وجال ؤ
څه چي کړه چغال به کړه په درست ځنګل کي
نه پوښتنه،ګرويږنه اونه سوال ؤ
دادعواي وه دکلونو څه روانه
غنيمت ګيدړ،چغال لره سږکال ؤ
خورد،ريزه واړه عاريض شوه محکمې ته
دقضا پر ګدۍ ناست شرمښ دجال ؤ
درست شکوه اوشکات وو له شيربريتي
سرترپايه داهمه دګيدړ چال ؤ
متهم ئې ددهشت په تور زمری کړ
دتورخولي شرمښ دارنګ استدلال ؤ
نه قانون،نه لايحه وه په ځنګله کي
ترځنګله بهتر وهر چاته جبال ؤ

٣،می،٢٠٠٥متحده ايالات،کلفورنيا

بدخشان تر کندهاره
له هرات تر ننګرهاره
پکتيا نه ترمزاره
له جوزجان تراسماره
همه واړه زما کور دی
مسلمان ئې زما وروردی
پکتيکا اوکه باميان دی
ميمنه اوکه لغمان دی
تاشقرغان اوکه روزګان دی
کنړونه که بغلان دی
زمادپلار اونيکو ګور دی
مسلمان ئې زما وروردی
که فراه ده که ذابل دی
که هلمند دی که کابل دی
چخناسوردی که ګومل دی
استوګن پکښي اتل دی
هر بدخوا ئې په مخ تور دی
مسلمان ئې زما ورور دی
که لوګر اوکه پغمان دی
که غزني دی،که ميدان دی
کلابست اوکه پروان دی
يوو وجود دی،يووافغان دی
دغليم په وړاندي شور دی
مسلمان ئې زما ورور دی
پيښور،که کويټه ده
زما دپلار،نيکه شمله ده
ټل،کوهاټ اوکه واڼه ده
اکوړه مي هديره ده
هلته بيا شوروماشوردی
مسلمان ئې زما وروردی
له بادر،ترحيرتانه
له اټک نه ترشيرخانه
تورغونډۍ نه ترچتراله
همه کوردی دافغانه
زماهر يوو دسترګوتوردی
مسلمان ئې زما ورور دی
سلجوقي،که غزنوي دی
صفاري اوکه سوري دی
طاهري اوکه لودي دی
هوتکي،که ابدالي دی
دافغان دمټو زور دی
مسلمان ئې زما ورور دی
١٥،جوزا،١٣٦٢متحده ايالات،کلفورنيا

لويه خدايه بختورپه موږ اخترکړې
رابهر مودنفاق له سمندر کړې
دواړه لاسه مؤ اوچت په اسدعا دي
کور،کهول څه مؤنوم ورک دمرورکړې
څولاسونه دورورۍ يوو بل ته ورکړو
بختوراخترپه موږ ته بختور کړې
فکراوهوش نه مؤ کينه اوبغض وباسې
خيرن زړونه مؤ په نور را منور ړې
دورورۍ مينه،الفت راکې مينځو کي
اتحاد اواتفاق مؤ يوو په زر کړې
د اولس دسوکالۍ فکر،خيال راکړې
په دې لار کي برکت په ښځه،نر کړې
چي داوران،ويجاړکورګۍ سره سنبال کړو
ابادۍ ته دهيواد هرفرد ناظر کړې
ځانځانۍ،خوپرستۍ نه مؤ وساته
په تقوای کي مؤ اوچت له قلندر کړې
ديتيم،کونډي ارمان چي کړي ترسره
تاج وتخت په هغه کس ته بختور کړې
توپ وټانک په خپل قدرت ايرې،اوبه کړې
محوه نوم ته دکمزوري،زورور کړې
چي سوسيال دسيالدارۍ په دې دنياکي
دګوربت په څير عطا راته وزر کړې
ستا له دره بل درنسته په ژړا يو
سترڅښتنه زما ولس باندي اختر کړې
٢٤،مې،١٩٩٣متحده ايالات،کلفورنيا

ازلي دی،ابدي دی او ټولواک دی
چي په لاس کي ئي دټولي هستۍ ژواک دی
احديت ئي له اسماوو څه ثابت دی
هرصفت ئي احديت باندي پوخ لاک دی
نه عرض دی،نه جوهردی موجوديت کي
لامکانه منزه له اصطکاک دی
ورته نشي شباهت داشياوو
مثل نه لري، بي مثله ذات ئي پاک دی
لوی، واړه ئي په قدرت دي پيدا کړي
که انسان دی،که حيوان دی،که افلاک دی
منسوبيت دهيڅ مخلوق ورلره نشته
نه والد دی،نه ولد دی،ترې بېباک دی
په سجود ورته پراته دي همه واړه
جمادات،که مايعات،که بل کوم ځواک دی
څوک چې نه بولي احد کافر، ګمراه دی
مختورن په دوړو کونو کي کاک دی
٢حمل١٣٦٤
کلفورنيا،متحده ايالات

توره اوسپنه په ډير کوټو پولاد شي
هرګذار چي دسوټک پرې دحدادشي
چي په مينه کي شرط کيښوده شيريني
سرچي غره سره وهي کوهکن فرهادشي
جور ، جفا ، ظلم و ستم دامراؤ
تاج وتخت ئې درعيت پلاس برباد شي
دپردو دفوځ طاقت او زغم وي کله
په هرګوټ ګوټ کي پيدا ورته جاندادشي
مات وګوډ،شل وړانده شي همه واړه
غرو، رغو کي ترينه پاته مړه اجسادشي
هغه قوم چي دخپل سر سره کړي لوبي
دتاريخ په پاڼو پاته ئي تل ياد شي
چي ځوځات د برايډن مات شي شيرپورکي
دنوميرپريشان خاطر به هله ښاد شي
٢٦جولای ٢٠١٠
متحده ايالات،کليفورنيا

تادپلار،نيکه نوم سپک کړخدای دي سپک کړه
ناخلفه زويه خدای دي په مرګ ورک کړه
پاکي پيي دي مور زهر و قاتل شه
خدای دي غرق په موج،څوکي د اټک کړه
کونډه خور دي دمقام په سر سودا کړه
سترڅښتن دي مرګ په اور اوپه مردک کړه
دورينداري تور ټيکرۍ دي تور لوګۍ کړ
په دنيا او اخرت دي خدای سر پک کړه
دشهيد ورور وينو نه کړې رابيداره
خدای دي سر ريز و مريزه په سوټک کړه
تااسلام او مسلمان په تنګه وپلور
خدای دي محوه او نابود ژر او چابک کړه
دا ښيرا د نومير نه ده ددرست قوم ده
ورک دي خدای له کور لهوله د خيرک کړه
٢١مارچ ٢٠١٠
کلفورنيا،متحده ايالات

بدخشان تر کندهاره
له هرات تر ننګرهاره
پکتيا نه تر مزاره
له جوزجان تراسماره
همه واړه زما کوردی
مسلمان ئې زماوروردی
پکتيکا اوکه باميان دی
م
يمنه او که لغمان دی
تاشقرغان اوکه روزګان دی
کنړونه که بغلان دی
زمادپلار او نيکو ګور دی
م
سلمان ئې زما ورور دی
که فراه ده، که ذابل دی
که هلمند دی،که کابل دی
چخناسوردی که ګومل دی
استوګن
پکي اتل دی
هربدخواه ئې په مخ توردی
مسلمان ئې زما ورور دی
که لوګراو که پغمان دی
که غزنۍ دی که ميدان
دی
کلابست اوکه پروان دی
يوو وجود دی يوو افغان دی
دغليم په وړاندي شور دی
مسلمان ئې زما ورور دی
له
بولان تر حيرتانه
له اټک نه تر شيرخانه
تورغونډۍ نه تر چتراله
همه کور دی دافغانه
زماهر يوو دسترګوتوردی
مسلمان ئې زما وروردی
صفاري اوکه سوري دی
طاهري اوکه لودي دی
هوتکي،که ابدالي دي
دافغان د مټو زور
دی
مسلمان ئې زما ورور دی

٢٩،وږي،١٣٦٥متحده ايلات،کلفورنيا

اې د کروړ قهري توپانه
دشهاب دغورځنګ توغه
دغياث دتوري
تيکه
اې دسيف بهانده مسته
دميرويس دشبخون ننګه
داحمددسوبو بريښه
دمحمود دديون ملګرې
داشرف دلنګۍ
جوغه
دسيدال شڼ ليونيه
دايوب دميوند سپره
دملالي سورټيکريه
تورپيکۍ په وينورنګه
اې دبست ځلانده ستورې
دنوميردزړګي سره
دتاريخ وياړلي روده
کارنامي يادي کړه تيري
مست دهيلو ډک هلمنده
مه وچيږه مه ودريږه
توپاني شه وبهيږه

کابل،جمال مېنه٢٦،حمل،١٣٥٦