پښتو ادب · شاعران
مختارلونک
د مختارلونک پېژندنه او شعري ټولګه. لاندې شعرونه د افغان اتلان له موجود کتابتون سره تړلي دي.
له شعري ټولګې سره مل متن
شعرونه
13 خپاره شوي شعرونه
غزلبشپړ شعر ولولئ
غزل
مختارلونک
ياره کوڅې ته دې ملنګ را درومي
په مينه مست لکه د بنګ را درومي
زکات يو رکن د پنځو بناوو
ستا د ښکلا په تا قلنګ را درومي
دا ستا د مخ له پلوشو نه دی ځار
قربانوي وزر پتنګ را درومي
د زړه سنګره ميوندي سنګر شه
جانان د سرو سترګو په جنګ رادرومي
وخته ځواب به ې له تا نه اخلم
اوس که نا خوالې رنګ په رنګ رادرومي
سترګو اسمان کي مې د غم وريځي دې
ځکه باران يې په غور ځنګ را درومي
زما په کوڅه کې دې شو پلونه زاړه
تش دې يادونه څنګ په څنګ رادرومي
شي به د چا د دنګې غاړي اميل
له دې غزل بوی د * لونګ* را درومي
٢٠٠٤/١٠/٤ زيوريخ
خنجربشپړ شعر ولولئ
خنجر
مختارلونک
په ليدو کې مې دمينــــــــې نـــــظر خــــوښ دی
د خــــــوبــــــانو له ټـــــولـــــي مې دلبر خوښ دی
د مجنون غوندې چې سترګې د سپي ښکل کړې
د يــــار مينه کـــــــې مــــــې دومره اوتر خوښ دی
چې ګوزار پرې د غلــــيم سينې تـــــــــه ورکـــــــړې
خير پڅ وې خو مې دغـــــــــه خنجر خــــــــــوښ دی
او غماز ورته له ډاره ليــــــــــدی نــــــــــــه شـــــــــې
ديار سترګو کې مې دومره آثــــــــــــر خـــــــوښ دی
نه هيڅکله مې له سترګو نــــه پــــــــناه شـــــــــــــې
دومره ډير مـــــــې خپل اشنــــــــا مساپر خوښ دی
جـې بس ټــــــــولـــــــه مينه مينه وې جــــانــــانــــــه
ستــــــا لــه ستر ګو کې مې داسې منظر خوښ دی
پــــــــا چـــــــا يان دې په خپل تاج او تخت نازيږې
تـــــــــــــور ( لونګ ) جانانه ستا په ټټر خوښ دی
زيوريخ سويس
بې جانانهبشپړ شعر ولولئ
بې جانانه
مختارلونک
ای د ښکلو ښکلېبشپړ شعر ولولئ
ای د ښکلو ښکلې
مختارلونک
غزلبشپړ شعر ولولئ
غزل
مختارلونک
نن مې بيا شپه خپله غيږ کې نه اخلې
اغــــــزن مـــــې بيا شو نازنين خوبونه
بيا راته ستوري سترګکونه وهــــــــي
راکــــــوي بيـــــــا يو څو د درد شعرونه
په زړه مــــې بيا د يار غمــــــونه ناڅي
را باندې اورې ربابــــــي ســـــــورونه
زړګـــــی يــــې زما په قواله اخيستی
په کې کرې وير او ماتم غمــــــونـــــه
اروا مې پاتې په ميراث کې ورتـــــه
ورکې شيندې بياد لنډيو تخمــــــون
د څو سرونو نذرانې بيــــــــا غــــواړي
دغه غازي غازي ســـــــرلوړې غرونه
د ازادۍ ناوې ســــــــــرتوره بيـــــــــايې
څه شول ځلمي څه شو ميرويس مړونه
ساقــــــــې د ميــــــــوو پر ځای زهر راکړه
نشته نور ژوند او نه يې شته خوندونه
پيغلو له اوښکو اميلونه جـــــــوړ کــــړل
تــــرې تــــــري تم ( لونګ ) ځونډي لړونه
١٢ /١٠ / ٢٠٠٥ زيورخ
پرهر پرهر پرهربشپړ شعر ولولئ
پرهر پرهر پرهر
مختارلونک
پرهر پرهر شوم د درمان غيږه کې
په ايمان را ياد شيبشپړ شعر ولولئ
په ايمان را ياد شي
مختارلونک
د سيند غاړهبشپړ شعر ولولئ
د سيند غاړه
مختارلونک
د جانان ښکلا خو لمر دی سترګې بريښې
د بريښنا غوندې يې نظر دی سترګې بريښې
خود چړې به پڅوم پخپلو ګوتو
سم يوسف زما دلبر دی سترګې بريښې
د سيند غاړه پستې شګې سپينې خولې دې
نن ډير ښکلی مازيګر دی سترګې بريښې
هره يوه لکه د ګلو غوړګه بريښې
دلته هم خو سم سنګر(!) دی سترګې بريښې
دا تر څنګه پيغله ګوره کا پر نشم
هر اندام يې سپين مر مر دی سترګې بريښې
تکه سپينه هسکه غاړه يې د هيلۍ ده
ډير ياغې يې لوړ ټټر دی سترګې بريښې
او مخامخ دغه نرۍ ناترنګه بله
اوبه شونډې يې کوثر دی سترګې بريښې
د شيطان که د رحمان دی نه پوهيږم
يو بې باک شانته لښکر دی سترګې بريښې
دا څپې مې چيرته وانخلې جانانه
غرق د مينې سمندر دی سترګې برپښې
زمونږ د خوارو خوشحالۍ خو چا وژلي
دلته هر ساعت اختر دی سترګې بريښې
د سيند غاړې ( لونګ ) بيا درته را درومې
دلته هره خوا ګودر دی سترګې بريښې
٢٠٠٥/٦/٢١ زيوريخ
(!) د ننګرهار وﻻيت د روداتو ولسوالۍ اړوند يو کلی دی
څو ټالۍبشپړ شعر ولولئ
څو ټالۍ
مختارلونک
ژوندونبشپړ شعر ولولئ
ژوندون
مختارلونک
خـــــــــدايه وســـــــو ، وســــــــــو ، وســـــو
خپل ژونـــــــــــدون را پــــــــــورې اور دی
ډير پې که پې که ژونـــــــدون شـــــــــــــو
ټول پيغور دی ټول پـــــــــيغــــــــور دی
د ژوندون په ميخـــــــانــــــــــــــه کـــــې
زموږ د خوارو جام نســــــــــــکور دی
لا غوټۍ وو په ډنــــــــــډر کــــــــــــــــې
په مرۍ مو د مــــــــرګ لـــــــــــور دی
ټول ژوندون مو اوښکې اوښـــکې
د مــــرګـــــي راباندې پــــــــــــور دی
خدايزده کوم پلو تــــــــــه وړې يې
ژوند دمرګ په نيلـــي سپور دی
آه اواز يې خدايـــــــه نـــــــه اورې
بوږنونکی مظلــــــــــوم شور دی
په قدم قدم کـــــــې مــــــرګ دی
هره لويشت کې د غم زور دی
نن بــــــيا نـــــــــــوی قبـــــر ګــــورم
بيا پرې نوی سورشال خپور دی
بوره شوې نـــــن بــــــيا مــــــور ده
د زړه ســــر د يــــــــــوې مـــور دی
مـــــلالۍ ، مـــــــلالۍ څه شوې
ها ، راغلی بيا پـــــــه کـــور دی
راشه بيــــا راشـــــــه ټــــــپه شه
هار شليدلی مو د خـــــور دی
راشه بيا ميوند ته راشـــــــه
دغه سوال درته د ورور دی
زموږ غازې غازې داستـــــانه
بس ( لونګ ) په تا ټکور دی
٢٠٠٥ / ٤ / ٢٦ زيوريخ