افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
په ايمان را ياد شي
ګل ته چې وګورم جانان را ياد شي
په پاڼه پاڼه يې لبان را ياد شي
لکه د ويني مې په زړه کې ګرځې
ياره هر ناز دې په ايمان را ياد شي
هر چيري نوم چې د چنار وا و رمه
د چنارو شاعر کاروان (١) را ياد شي
د چا له خولې چې کربلا ياده شي
ماته په خيال افغانستان را ياد شي
زړګی مې منډه واخلي هلته ورشې
راته طالب چې د قران را ياد شي
يخني مې زړه ونيسي و ر ږ د يږي
چې د هجرت د شپو باران را ياد شي
ا رو ا مې مسته شي اتڼ وا چوي
چې د جهاد ښکلی دوران را ياد شي
د سترکو ډنډ مې زلزلي څپي کا
ښايسته ځوانان لکه ګلان را ياد شي
د يو يتيم په څير ژړا خپله کړم
مست د حجرو انډيوا ﻻن را ياد شي
له سترګو لاړ مې شې کاروان د اوښکو
چـــــې خــــپل بې وسه انسانان را ياد شي
دلتــــــــه دی ژونـــــــد د خوشحاليو نازنين
( لونګ ) ته خپل د غم داستان را ياد شي
( ١) پير محمد کار وان ،چنار خبري کوي
٢٠٠٥ / ١/ ٢٦زيوريخ