افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
پرهر پرهر پرهر
پرهر پرهر شوم د درمان غيږه کې
شومه پردی د خوږ جانان غيږه کې
هره يوه هيله مې ارمان ارمان شوه
شوه هره تاوه د ارمان غيږه کې
ما وی ګلانو ته به ساه راوړې
اوسپنې اورې د باران غيږه کې
له هرې خوا نه غم په مونږ رالويړې
رحم ورک شوی د اسمان غيږه کې
د پريښتو، د شيطان وشوه جوړه
پريښتې ناستې د شيطان غيږه کې
نيت د اغيار بې وسۍ خپلې کړم وريت
لمبه لمبه شومه د ځان غيږه کې
دغې پرهر ، پرهر ، پرهر وختو کې
( لونګ ) راوړې دې ګلان غيږه کې
٢٠٠٥/ ٧/ ٢٦ زيوريخ، پلافرېيون