د افغان کرکټ د مینه‌والو کورEnglish ↗
افغان اتلان
کورپاڼه پښتو شعرونه

جينۍ کړې منډې، خو هوا پسې ونه رسېده

افغان اتلان · پښتو

ډاکتر حنیف حیران

ستا د ښکلا په انتها پسې ونه رسېده
دنيا روانه وه، خو تا پسې ونه رسېده

که د شهاب په سپين وزرو ستورو هم کېناسته
بيا هم تياره وه، په رڼا پسې ونه رسېده

يوې سېلۍ د خيال سالو ترې په هوا پورته کړ
جينۍ کړې منډې، خو هوا پسې ونه رسېده

په شنه سهار کې کوم کېفيت دې غَزَوَنو درلود
چې د خوبانو هيڅ ادا پسې ونه رسېده

حيرانه! زه او ژوند مې دواړه وو په منډه منډه
ژوند رانه لاړ، خو زما ساه پسې ونه ورسېده.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *