د افغان کرکټ د مینه‌والو کورEnglish ↗
افغان اتلان
کورپاڼه خبرونه

کرزي: نږدې څلور میلیونه افغان ماشومان له سختې خوارځواکۍ سره مخ دي

افغان اتلان · پښتو
تازه خبرونه — Afghan Atalan

د افغانستان پخواني ولسمشر حامد کرزي ویلي، په هېواد کې نږدې څلور میلیونه ماشومان له سختې خوارځواکۍ سره مخ دي.

کرزي دا څرګندونې د ماشومانو د نړیوالې ورځې په مناسبت کړې دي. هغه د جمعې په ورځ، د نومبر پر ۲۰مه، په خپله ایکس‌پاڼه کې د افغان ماشومانو د وضعیت په اړه اندېښنه ښودلې ده.

د پخواني ولسمشر په وینا، د ماشومانو اساسي حقونه باید خوندي شي او هغوی ته د زده‌کړو او روغتیايي خدمتونو زمینه برابره شي. هغه همداراز د ماشومانو پر امنیت ټینګار کړی دی.

کرزي د ماشومانو د اړتیاوو د پوره کولو او د هغوی د ژوند د ښه کېدو لپاره د بنسټیزو خدمتونو برابرول مهم بللي دي. نوموړي ټینګار کړی چې افغان ماشومان باید له خوارځواکۍ، ناامنۍ او د زده‌کړو او روغتیايي خدمتونو له کمښت سره یوازې پرېنښودل شي.