ایاز یوسفزی

ستا دَ فِــــراق دَ سمندر پۀ غاړه
ستا دَ يادونو شګې جمع کړمه
دَ اُوميدونو يؤ محــــل ترې جوړ کړم
بيا ورله رنګ ستا دَ خائيست نه ورکړم
دومره خائيسته دغه محل کړمه زۀ
چې بيا ئې ورک پۀ خائيستونو کښې شم
خو کله چې اُوغواړم ورتلل دننه
لا مې قدم پۀ دُرشل ايښےنۀ وي
چې ستا دَ غم تيزې چپې پرې راشې
دَ اُوميدونو محـــل وران ويجاړ کړي
لا وران کنډر ته دَ محــــل ګورمه
چې تيز طوفان راته راورسيږي
دَ سمندر مينځ ته مې اُوغورځوي
ستا دَ غمونو تُندې تيزې چپې
کله مې يؤ خوا،کله بل خوا اُولي
اَؤتر اَؤتر چاپيره وګورمه
دومره څوک نۀ وي چې راؤنيسي ما
ستا دَ وِصال ساحِل هُم ډير لرې دے
ورته پۀ ژوند کښې رسيدل مې
ګران دي
چې مې اُوميد دَ وتو پاتې نۀ شي
ځان دَ ناکامه سمندر کښې
ډوب کړم

دَ بـې خـــــــــودۍ ســـــــــــــــــپرليه مـــــۀ راځـــه بيا
اي دَ يــــارۍ ســـــــــــــــــــــــــپرليه مـــــۀ راځـــه بيا
چـــــــې ارمــــــانونه ګُل کــــــولــــــــــي نۀ شـــــــــې
دَ بـــې وَســــــــۍ ســـــــــــــــــــپرليه مـــۀ راځـــه بيا
ځـــــــــان دَ خـــــــزان ځــــنې ژغــــــــورلي نۀ شـــې
تل دې زغـلـــۍ ســـــــــــــپرليه مـــــــــــــۀ راځـــه بيا
ســــــــــــتا هـــــــر يؤ ګُل مـــاته جــــــــــــانان يادوي
ډير مــــــې زورۍ ســــــــــــــــــپرليه مـــۀ راځـــه بيا
بـــې دَ جــــــانان راتــه پيـــــــــــکه پيــــــــــــکه يـــۍ
ګُلـونو ځــــــۍ،ســــــــــــــپرليه مــــــــــۀ راځــــــه بيا
ســـــــــتا پـۀ راتلو مـــــــې خـــــوبولــــــې جـــذبـــــې
شــــــي لــيونۍ ســـــــــــــپرليه مــــــــــۀ راځــــــه بيا
چــــــــې کال وَ ســــــــر ايســــــــــاريدلـــــي نۀ شـــې
لکـه ســـــــيلۍ ســــــــــــپرليه مــــــــــــۀ راځـــــه بيا

پرهــــــــر پرهـــــــــــر دې کــــړم ټکور دې نۀ کــــړم
لـــوګے لـــوګے دې کــــړمــــــــه اُوور دې نۀ کــــړم

للمــــــه دې پريښــــــــــــول ارمـــــــانونه زمــــــــــــا
ســـــــــــــــپرليه لاړلې ســــــــمســـــور دې نۀ کــــړم

تُوئي دې کړم اُوښــــــــکې پۀ شــان،هـير دې کړمــــه
ګــــــــــرانه دَ تُورو ســـــــــــــترګو تور دې نۀ کــــړم

پــۀ نن صــــــــــــبا کښې دې مُـــــــــودې تيرې کـړې
اِنتــــــــــظار اوس به عــــــــــــــبث نور دې نۀ کــــړم

چـــــــــــرته پۀ ټينګــــــــــه دې ســــت وَنکــــــــړلــو
ګُلـــــه ميلمـــــــــــــه دَ زړۀ پۀ کــــــور دې نۀ کـــــړم