غزل 

د ستا په شان نه یم منم د ګل په رنګ هم نه یم
خو دا به هم منې اشنا چې ډیر بدرنګ هم نه یم

... لکه پښتون ولاړ پر برید د ناقراره ژوند یم
سوله مې هم زړه نه مني راضي په جنګ هم نه یم

یو څوک خوشته چې مې په ستړي وخت کې مخ وراوړي
شکور د اوسپنې په شان خاورو کې زنګ هم نه یم

چې ته مې زړه کې ژوندی ساتې لکه بله ډیوه
زه به دې هیر کړم؟ نه قربان دومره بې ننګ هم نه یم

د خلکو مینه ده ،دنګ خیال مې بولي دنګ مې بولي
ګنې جلانه زه خو خاورې یمه دنګ هم نه یم

سیدجیلاني جلان .
کابل ژوندون راډیو تلویزیون