افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
مین فقیر
په تندي دې ټیک د زرو ځړولی
د مین فقیر دې زړه دی هسې وړی
ډار اخیستی زغرد کتلی درته نشي
د پیکي لاندې دې خال دی ورته غلی
کله سم کله ناسم په غلا یې ګوري
شونډې لاندې شینکي خال دې وېرولی
کله لرې نه په ځیر شي ورته ګوري
پړک اخستی ټول رپېږي دا مور مړی
کله ځان ته جرات ورکړي وردانګم
وایي پریده چې څوک یوسي زما مړی
بیا د ځان سره چرتي شي پښې یې رېږدي
قدم نه اخلي شي بې حسه يې هر غړی
تردد ورته پیدا شي بې تصمیمه
غلی ناست وي زېړه ګونه روح وژلی
خدایه ته ورسره مل شې خوار زبون دی
په ټول عمر یې ارمان نه دی ختلی
د (هاشم) سره احساس په هڅېدو شي
وایي کاش مې داسې حال نه وی لیدلی
کاکشال- پیښور (۱۲/۹/۱۹۹۹)