افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
بيادې لـه جنګه سترګې واړولې
كه دې لـه ننګه سترګې واړولې
څومره بې خوده شوې خماره ياره
چې دې لـه بنګه سترګې واړولې
دسر او تال نغمو نشه، نشه كړې
كه دې لـه ترنګه سترګې واړولې
دمحل هره خواد ستوري ستوري
چې مې لـه څنګه سترګې واړولې
كوم خوشال خان دې بيا په سترګو كې شو
چې دې اورنګه، سترګې واړولې
په ودان كلي كې به تل وې مېلمه
اوس دې لـه ړنګه سترګې واړولې
دمشعل زړه دې څه بې درنګه يوړو
چې دې بېدرنګه سترګې واړولي
داكتوبر 15 مه 1995
ټل، پښتونخوا