افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
هلــــــته چينه كې يو تصوير دى زه يې نه پېژنـــــــم
په ايينه كـــــې يو تصـــــــوير دى زه يې نه پېژنــــــم
سپوږمۍ قربان دې شـــمه مستې وړانګې وغزوه
په توره شــــپه كې يو تصوير دى زه يې نه پېژنـــــم
باده! پلو ته يې څنډ وركړه چې را وخو ګـــــــــــوري
دې لــــــــــوپټه كـې يو تصوير دى زه يې نه پېژنـــــم
د زړه پتنګ مې ورنږدې شي خو ناګاره كړي ځـان
وايي ډيوه كـې يو تصـــــــــوير دى زه يې نه پېژنــــم
۲ – ۵ – ۱۳۸۰ لمريز
پېښور