افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
شونډو دې ست ونه کړ ســترګو دې حیا ونه کړه
ځکـه ســـــینه کې مې زړه هغســې درزا ونه کړه
تا رانه زړه وغوښـــته ما ورپکــــــــې نا ونه کړه
په دې مالت کې بل چا دغســــــې سودا ونه کړه
خدایزده چـې دا به کوم مـــقام د تـــغافل و اشنا
چې ته موسـکۍ شوې او زخمونو مې رڼا ونه کړه
دا ته چې نه راځـې باور دې په مـــا نه دی کړی
د دې خــــبرې خو ما بــــل رنګـــه مـانا ونه کړه
راغلـې خو داســـــــې رپېدې لکه شمال او ډيوه
ځـکه نو ما درنه د میـــــنې تـــــقاضا ونــــه کړه
هغــې خـــــــــبره پسې اوس هــم لیونۍ یمه زه
هغـــه خـــبره دې شــــــــــرره راته بیـــا ونه کړه