افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
يو ځل له خوبه مخکې او يو ځل له خوبه وروسته
عجیبه غځونې کوي ګل له خوبه وروسته!
جوټي وهي زنګیږي لکه ډکه میکده
او خوري مې د دې مړو سترګو کتل له خوبه وروسته
جذبې د پېغلتوب یې کړ راخور په ګلبدن
راټول یې د مخ تاو کړلو اوربل له خوبه وروسته
خوږلن ته د هوس مې ټوله شپه کړله شوګیر
څراغ د سرکو شونډو یې شو بل له خوبه وروسته
دا مه وایه چې ویره د افشا ده مه راځه
ای رادې شي ستا غیږه کې اجل له خوبه ورورسته
په شنه سهار مې بیا خوږلنې شونډې شوې په یاد
دا خلک وایی ډېر ښه وي عسل له خوبه وروسته
په څنګ کې یې شرره سوځېدم لکه څراغ
په غیږه کې مو ونیول یو بل له خوبه وروسته