افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
راته په ډکه خوله موسکا وکړه
ډيوګۍ وسوځـــــه رڼا وکړه
راسره عــشق وکړه نڅا وکړه
یو په دی دو کې خامخا وکړه
د زړه په زخم مې لاسونه کیږده
د نیکۍ کار دی بسم الله وکړه
بیا د یو چا په لیدو بیا ولې؟
زړګیه څله دې درزا وکړه؟
هغې خبرې ته مې پام نه و
هغه خبـــره راته بیا وکړه
لیونۍ ډېر دې پسې وژړلې
لیونۍ چاته دې دعا وکړه
شرره بیا دې نظر وسیځله
شرره بیـــا دې ناروا وکړه