رانه غوښتي مې دلدار دي يو څو کرښې
دزخمي زړګي غمخوار دي يو څو کرښې

زما په مينه يې لا زړه نه دی روښانه
ورغلي تر دې ښار دي يو څو کرښې

:بخت مې وکوت و کوټګر ته، راته يې ووې
ستا ورغوي کې په شمار دي يو څو کرښې

!د تقدير کاتبه نور مې ځور پرېږده
پر تندي خو مې رابار دي يو څو کرښې

وې مې لنډ مې کړ مزل د خواږه وصل
وې لا پاته پر دې لار دي يو څو کرښې

دا د ژوند د هيلو شمعه ده، ويليږي
چې راماتې په رخسار دي يو څو کرښې

دا مې سترګو کې سرخي د وينو نه ده
ستا د مينې له انګار دي يو څو کرښې

!لامع" ته يې په بڼو ورته ليکه تل"
چې و يار ته دې يادګار دي يو څو کرښې

شنبه ? د تلې مياشتې 15 مه