افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
باز
ولې پوښتئ ښكلو نه د شپو كيسې ؟
دوى خو په لېمو كې زده كړه كړې ده
زه هم اخر يمه ددې غرونو باز
ما هم په دې غرو كې زده كړه كړې ده
هر څه باندې پوه يو خو څه نه وايو
موږهم پټ په زړو كې زده كړه كړې ده
دا چې هر اټكل په ټوپكونو كړو
دا مو په جګړو كې زده كړه كړې ده
مه سپارئ هغه ته څوك د مينې كار
چاچې په تسپو كې زده كړه كړې ده
دا دځان لپاره كوه نور ګڼم
ما چې په پښتو كې زده كړه كړې ده.
1379/غويى/30 ل.دويمه ناحيه ،كندهار