افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
زرينې پاڼې
ورليكم يې پر سترګو ،پر لېمو زرينې پاڼې
اشنا چې رانه غوښتي دغه څو زرينې پاڼې
سپوږمۍ بېګا د بام تر سره پټه – پټه راغله
راتويې كړې د ورېځو له درڅو زرينې پاڼې
خبرې رانه واخلي ،بس هر څه راځنې هېر شي
چې تاو كړي رانه ښكلي د لاسو زرينې پاڼې
يو دنګ او شازاده شپانه شپېلۍ كې راته ووې
باروتو كړې لوګۍ زموږ د زړو زرينې پاڼې
دې شېخ ته كه يو څه د كلي خلكو مخه وركړه
په ږيره به كړي ښكل د اننګو زرينې پاڼې.
1379\سلواغه\10 ل.دويمه ناحيه ،كندهار