افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
تږي تږي
د ګودرو، چنارونو او مـــــــنګــــــــــــیو تــــــږي تږي
د پیغلوټو کتـــــــــــارونــــــــــــــو او مستیو تږي تږي
د خوښۍ احساس، رنګونه په کاروان د مازیګر کې
د وړو او لویو نجونو د ټـــــــــــولګـــــــــیو تـــږي تږي
چې په سرو سرو منګول ګیو لپې لپې اوبـــه شیندي
د موسکا د شرنګا شرنګ او د پـــــــــاولیو تږي تږي
چې رنګین، رنګین پوړني یې په زلــــفــو د وربل وي
د افق په سره لمن کې د خـــــــــوښـــــــــــــــیو تږي تږي
تورتمونو د دې کلي ځای ډیوو تــــــــه وي پرې ایښی
موږ د سولې، روغې، جوړې، نیــــکمرغیو تږي تږي
کابل ۹ غویی ۱۳۸۶ هجري لمریز ۲۹ اپریل ۲۰۰۷ میلاد