افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
د سبا ټال
الهامونه، نرۍ وړانګې د ښکلا په ټال کې ویـــــــــــــنم
رنګارنګ خیالونه غلي د موسکا په ټال کې ویـــــــــــنم
د خوښۍ نذر یې کړی د ښایست په جام یې ویــــــــــشي
ها بوډۍ په خیرات ناسته د خندا په ټال کې ویــــــــــــنم
څه منتر د وصال وايي مین زړونه ځان ته بــــــــــــولــــي
منجوره، جادوګره د معما په ټال کــــــــــې ویــــــــــــــنم
راشه داسې خولګۍ درکړم چې خمار وې تـــــــــر ابـده
سندرغاړې ډمه هسکه د هما په ټـــــــــــال کــــــې وینم
سهار بیا پګړۍ په سر کړه سپيده شنه ده ورته خاندي
بیا لــــــــه څــــــــــرک سره را کوزه د رڼا په ټال کې وینم
ویده خلک دې ویــــــــــــــده وي دا د ویښو یارانه کړي
دا د مینې انځــــــــــــورګـــــــــره د سبا په ټال کې وینم
کابل ۳ غویی ۱۳۸۶ هجري لمریز ۲۳ اپریل ۲۰۰۷ میلادي