افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
د ګوربت ورشوګانې
په رخسار د صنم ګوره ړنګ بنګ ګلونه واه شول
بیا د دې کلي په څنډو رنګارنګ ګلونه واه شول
شین پړونی بــه په سر کړي ګلابي نجلۍ سرتوره
بیا د څانګو په زلفانو ښه قشنګ ګلونه واه شول
د نڅا په هر یـــــوه څــــرخ یې د نشې تصویر پیلی
د بلبل، د بوراګــــــــانـــــو د پتنګ ګلونه واه شول
نغمې لیکه را روانــــــــــــــې د مین جانان په لوري
د زرکانو په ټولګیو د آهنـــــــــــګ ګلونه واه شول
فضا غیږ کې ده اخیستې د ماشــــومو وږمو لښته
بیا د مښکو په ځونډیو د لونـــــګ ګلونه واه شول
د ګوربت په ورشوګانو خوښۍ بــیا زنګون وهلی
د شیرینو مڼو باغ کې څنګ په څنګ ګلونه واه شول
کابل ۳۱ وری ۱۳۸۶ هجري لمریز د ۲۰۰۷ میلادي کال د اپریل ۲۰