يارانــــو څــــومره مو دا خپل زړګوټی سپين ساتلی
چې مو د وخــــت پـــــه داړه مــــــارو هم يقين ساتلی

خــــــدايـــــه توبه چې نن هغه ستا د کعبي قسم خور
په جار نــــارې کــــــړې راته وايي چې ما دين ساتلی

خير دی که تور ګرد د بــارودو دې پر مخ ورک کړی
موږ تصور کې خـــوتــــل خـــال ستا په جبين ساتلی

سپرليه ستا او ستا د رنـــګو احســـــان په څه ومنو
چې چاپيريال مو خپل په وينو تل رنـــګيـــن ساتلی

د وخت نادودو که هر چو را ته تــــراشــــلۍ زړګــــی
مونږه بيا هم دا خپل تراشلی زړه سنګين ســـاتــــلی

ترخــــو حــــالاتــــو کـــه ښـکلا له ټول مالت نه وړې
خو ما په زړه کې د ارمــــان کـــورګـی حسين ساتلی

١٣٧٥ مرغومی ٨