زموږ دکور کلي با غچه کې

څومره ښه ښکلي ګلان وه ،

دګلابو دنرګسو  درامبیلو چمبیلیو .

*        *         *

مایې هروخت ننداره کړه

مایې خوند اخیست ښکلا نه

دمه ځای دلاره   وو  وه

کلیوالو به همیش دلته میلې کولې

*       *        *

خو افسوس چې یو څو تنه ،

بد مستان هلته پیدا شول

هلته جوړ تیار غوبل شو

پای کوبي  سبزه کوبي کې

ټول ګلان تالا والا شول

چې ما تل ورته کتلې

خومې هیڅ کولاې نه شول

څو مجبور شولم ، هرڅه ته مې شا کړه

غرو رغو ځنې پناه شوم

اوس دلرې ځنې پوښتم

دا غوبل کله ختمیږي

بیا به کله سمسوریږي ؟

زموږ دکور کلي با  غ ګوټې

بیا به کله سمسو ریږي ؟

زموږ دکور کلي باغ ګوټې .

۱  /۹  ۱۳۷۲