زرلښته حفيظ

 لکه ږلۍ لکه باران غوندی پرې مه وريږه
 دزړه په دشته مې دمينې سره غاټول شنه شوي
 جانان ته وايه چې دمينې پسرلۍ دی راوړه
 مينه وفااودښکلا ګلان پرې ټول شنه شوي
 زما دوجود په هريورګ کې لکه وينه ګرځی
 دلته دمينې ،محبت لمبې داور راغلي
 ته شاعرنه يي چې دمينې سيپارې وليکی
 دزړه جومات کې دمذهب جذبي په زورراغلي
 دزرولښته ده لمبوکې يې رنګ نه بدليږي
 دلته ثواب اوعذاب دواړه نن په شورراغلي

 

 وګوره هندارې ته خپل سترګوکې مې وګوره
 زه دزمانې قانون کې ولی ګنهګاره يم
 دوې خو دريا لپاره سل ځله توبې کوي
 زه يمه دخدای بنده پيدادخدای دپاره يم
 ماپخپله غيږ کې انسانان اونابغان لوې کړ
 خيرکه زه نن موريم خودټولونازورداره يم
 راشه دزړه خونی ته يوپل دمحبت واخله
 زه دانسان مور يم حقيقت لره هنداره يم
 يوځلې دعشق په نوم ډيوه دمحبت شومه
 اوس خو زه پوهيږم چې رڼا دچادپاره يم
 ماته خلک (زر) وايي دزرقدر زرګر سره
 مينه يمه عشق يمه دسولې طرفداره يم
 وياړمه چې ښځه يم زه موردعالمونو يم
 زړونوباندی ګرځمه ترټولوزه هوښياره يم

  

 زه دورک ژوندون تصويريم په خوبونوکې مې ګوره
 دونياټوله يوه کيسه کړه په خيالونوکې مې ګوره

 سنګ تراش له ځانه جوړکړه زه غمې دتيګوزړه کې
 ته پيدامې کړه سره زريم په اورونو کې مې ګوره

 پټ کتاب د محبت يم د ژوندون په فلسفه کې
 زه يوه لښته دګل څانګه په باغونوکې مې ګوره

 دژوندون دښايست نوريم اصليت باندې مې پوه شه
 زه د زړونو داوه ګيره په رمزونو کې مې ګوره

 ته پوهيږی چې زه څوک يم داسې ولې درته وايم
 پټ رڼا دژوندانه يم تور تمونوکې مې ګوره

 سياموې هم جلالي ته دعمرونو افسانه شوه
 ملکه دښاپيرو يم قفقازغرونو کې مې ګوره

 ارتقا ددژوندمې غواړم لکه تاغوندې انسان يم
 زه يوه ښځه دټولنی هيوادونوکې مې ګوره

 نالوستلې يوکتاب يم دافغان په کتابتون کې
 دزرلښت دزړه ارمان يم ارمانونوکې مې ګوره

-----زرلښته حفيظ

 زما ملت ته دخيانت لاسونه
 دچوراوغلا اوجنايت لاسونه
 کله دشرق کله دغرب له لوري
 رااوږده شوي شرارت لاسونه
 چې به ترڅو پورې دا لوبه کوي
 دپټوسترګو دوحشت لاسونه
 زما مجبور ملت به وزوره وي
 اوپښتنې ميندې به وژړوي
 زرلښته داتاريخ هغه به ګټي
 چې جنايت پرضدقلم خوزوي

ګرانه راشه چې ميوندباندی بياجنګ دی
يذي لښکری کرځي رابيدارشه وخت دننګ دی
هره ورځ دلته اور بل دی هره ورځ دلته ويرونه
هره ورځ پلمې جوړيږي تجاوز مې په فرهنګ دی
****
غيرتونه را ژوندي شئ اولسونه را پاڅيږئ
دهمت لاسونه ورکړئ کنه خدائيګو چې ورکيږئ
په هررنګ اوهرلباس کې نن ولاړ درته دښمن دی
تاريخونه را ژوندي کړئ کنه پټ خوله وژل کيږئ
*****
دغيرت اومينې کور يم زماڅانګوکې لمبۍ دي
زه دويمه کربلا شوم ديذيد په ما جګړۍ دي
هره ورځ زه کندل کيږم خزانې مې را څپړيږي
هره ورځ په مابل اور دی اولسونه مې قتليږي
*****
دنړۍ ښکلې جنت يم ښايستونه مې لوټيږي
تل دجنګ په سرولمبو کې سره ګلونه مې رژيږي
فلسطين رانه جوړ شوی زه دويمه کربلا شوم
د عراق په څير لمبه شوم ماشومان زما قتليږي
*****
که هرڅو مره وژل کيږم که هرڅومره تباه کيږم
دا جنت که مې دوزخ شي اوکه وينوکې لمبيږم
پښتنۍ ميندې مې شته لاننګيالي به راته روزي
که سره زرغوندی سوزيږم سرولمبو کې لاځليږم
*****
هره مورمې خديجه ده داسلام بيرغ رپانده
هره خورمې زرغونه ده احمدشاه تاريخ ځلانده
هره پيغله ملالۍ ده په ټپو به لښکر مات کړي
دزرلښت دمينې شوريم څوچې ژوندپه دی جهان ده
*****
زما نوم به تل ژوندی وي زه تل کورداتلان يم
ميړني مې اولسونه ز ه غيرت د هر افغان يم
زه ښايست لرم پاميرکې دنړۍ دښکلابام يم
زمانوم به بدل نه شي زه به تل فغانستان يم
جنوري ١٩/٢٠٠١٢

دښايست ښکلې ضميره ته به کله مونږ ته راشی؟
سولې زما دخيال تصويره ته به کله مونږ ته راشی؟

... اوښکې کله به وچيږي دا دجنګ بدرنګ وختونه
سولې جنګ کې يودلګيره ته به کله مونږ ته راشی؟

چې د ژوندهره لحظه يي دمرګ ډارباندې تيريږي
دغريب ماشومې هيله ته به کله مونږ ته راشی؟

زما لپه خالي نه شی لوې با دشا دکائينات ته
سولې زمونږ دژوند مسيره ته به کله مونږ ته راشی

دجانان د مينې ياد ه زه دوصل ژوندون غواړم
سولې زما دعشق تفسيره ته به کله مونږ ته راشی

دا دمرګ غمجن وختو ته مسحاشه ژوندون راوړه
سولې زما د خوب تعبيره ته به کله مونږ ته راشی

دحفيظ معصوم ارمان به ترڅوسوزي په لمبو کې
سولې زمونږ دجنګ تغيره ته به کله مونږ ته راشی

زما په زړه کې ميلمنې پښتنۍ
دزمانې نه کړې ګيلې پښتنۍ
ته به نازو شې پښتنو په کورکې
بل ميرويس خان به لويوې پښتنۍ
ستا دپښتون تاريخ نړۍ پيژني
زما شاعرې ښا يستې پښتنۍ
پام چې دزړونو سودا ګره نه شۍ
خپل اصليت خو به منې پښتنۍ
دناريتوب سزا دعشق کم زوري
وي د کمبختو دا کيسې پښتنۍ
دا عشق پرسته ليونيان دمينې
دکاره باسي ښاپيرې پښتنۍ
زمونږ پلوکې دپښتو غيرت ده
دملالۍ په خيال به ځې پښتنۍ
که ځينې خپل ګوراوايمان خرڅوي
په نوې نسل به يې ګټۍ پښتنۍ
قلم د ی توره دايمان او پښتو
که د زرلښتۍ دا منې پښتنۍ

ته نغمه دتوروغرونوته سندره د نظمونو
زماخاموشه زندګي ته ته څپه ددريابونو

دتياروتته ډيوه يم ستادستړي ماښامونو
مانه هيره مينه نه ده ستا کتاب دارمانونو

مرورقسمت پخلا کړه چې ډيوه شم ديادنو
ماسره يوه کتاب دی ستادمينې دخيالونو

ته بهارغوندې تازه يي زه خزان دطوفانونو
زه يوه خوب دتوروشپويم ته تعبيرمې دخوبونو

سره ګيډۍ دګلو غواړم ډک پلو دګلابونو
زه ريدي دمينې داغ وړم دحفيظ په شوګيرونو

نوې کا ل مو بختور شه هيو ا د وا لو
شپه برات ورځ مواخترشه هيوادوالو
چې بياورکه دمودومودوجګړۍ شي
داسې سوله مو په درشه هيوادوا لو
انګړونه موپه شنو ونوښايسته شه
رادسولې خوږ خبرشه هيوادوالو
دمودومودوويرونه تورتمونه
دادغم شپې موسحرشه هيوادوالو
ګلبڼونه موښا يسته په سرو ګلا نو
ټول فضامومعطرشه هيوادوالو
نوې کال سره موسوله ميلمنه شه
دحفيظ پرې خوږنظرشه هيوادوالو

ای پښتونه زه ستا تن يم ستا ايمان يم
دويم نوم مې ده غيرت وينه دافغان يم
دجنګونو په چړو پرهرپر هر شوم
خپل ټپونو ته د سولې په ارمان يم
****
په زړه وړم دزمانې ترخه غمونه
پرما راغلل طوفانونه سيلابونه
زمانې ته دازمښت يو امتحان يم
ماکې جوړدشرق اوغرب سره سنګرونه
****
ځکه اوس دهرشهيدپه وينورنګ يم
زمانوم افغانستان دانګريزجنګ يم
دوختنوسرولمبو کې چې سوزيږم
درقيب په تهمتنو کې رنګ رنګ يم
****
دلته سرې لښکری ډيرتللي راغلي
دلته ډيروخپلې سری وينی شيندلي
زه ګومان کومه ډيردي تيروتلي
نه نړۍ ته قهرمان شول نه ښاغلي
****
ما کې خاوري شول بيشماره ډيرسرونه
کار نامو نه مې ډک شوي تاريخونه
هر يوه مور مې دتاريخ يوه قهرمانه
هرپښتون مې قهرمان دټول وختونه
****
هرګرګين دلته راغلې په يو جنګ دی
مکناټين يي چې هيرکړی بی فرهنګ دی
زما وجوديي په ګولوغلبيل غلبيل کړل
پښتنو تاسی تير باسي وايي ننګ دی
****
زما جسم کې پښتون وينه دافغان دی
هرمسلم چې مې حفظ کړی پاک قران دی
ولسونه ميړني چې ماکې اوسي
قهرمان مې هرپښتون دهرزمان دی
****
ټول تورغرونه مې سنګردټول دونيا شي
زروي ټستونه وکړي په ما راشي
دنيپال غټ غټ بمونه را ختا کړي
زما ځان ورته دويم هيروشيما شي
****
داسی وايي پښتانه په څه پوهيږي
غريبان دي په پيسو باندی غوليږي
اول دين دويم پسي ورته ښکاره کړي
ورته وايي چې جهان د ننداره کړي
****
ټوپکونه او ټانګونه ورته ورکړي
دايمان په نوم خپل ورور سره يي په جنګ کړي
ورته وايي چې ورځه خطر دننګ دی
بيا ناری کړه چې جهادباندې مې جنګ دی
****
خو زه خپل دا بی تعليم بچيان به څه کړم
څنګه سوله به ډيوه دخپل کاله کړم؟
هرجومات مې يومکتب دپاک قران دی
څنګه جنک کې به تعليم ددين ورزده کړم
****
زما غيږه دجنګونو لوې سنګردی
دنړۍ هريو هيواد په دی خبردی
دريابونو کې لرمه سره لعلونه
توروغروکې خزاني مې دسره زردي
****
چې دلوږی نه مجبورشي په ماراشي
اسمانونو نه بمونه را ختا شي
څوک مې ونۍ زغلوي ښکلې باغو نه
څوک ياقوت لعل جواهردتوروغرونه
****
زمارښتيني بچي لږخورابيدارشئ
لږمې وپيژنئ جنګ نه په قلارشئ
سره يو شئ يودبل سره پخلا شئ
ورته ووايئ چې سوله کوولاړشئ
****
زما تن کې زما ديو وجود بچيانو
زمادپاک قران دمينې لارويانو
داسلام نفوس ختميږي په دی پوشئ
سوله وکړئ سره يوشئ افغانانو
****
درته وايم چې زه ستا دمينې رنګ يم
سره ګلاب يم ستا دهسکی شملې ننګ يم
زه ستامينه يم ستاعشق يم ستاجهان يم
دويم نوم مې ده غيرت وينه دافغان يم
****
ددونيا ستر طاقتونه مې مات کړي
انګريزان او پنجابيان مې تل رټلي
بی تعلمه نورپه ما کې څه کمې دی؟
هريوځوان مې دننګونوتوريالی دی
****
هره پيغله مې ملاله د ميوند ده
هريوه مورمې تل دجنګ سره په جنګ ده
هرقدم کې مې بيشماره هديري شول
هره لويشت مې دانسان په وينورنګ ده
****
ننګرهاردمينې زړه کې غفارخان دی
لروبرکې چې مشهورننګ دافغان دی
تاريخونه ولسونه به پی وياړي
ملنګ جان چې دننګونوقهرمان دی
****
خو پښتونه په دی پوشه چې ستا ځان يم
ستا غيرت يم ستا مينه ستا جانان يم
پښتنې ميندې مې ستړي شول سلګوکې
دزرلښت د مينې کورافغانستان يم
****
مروره نورجنګ مه کوه بيدار شه
سوله وغواړه دسولې طرفدار شه
هرڅوک لاړ به شي په خپله مخه بيرته
پرمختګ غواړم خدمت ته مې تيارشه
****
زه هماغه ښايسته کور د هر افغان يم
زه خو توره يمه تاج د خوشحال خان يم
زرغونه يمه احمدشاه به زيږومه
دتاريخ دپاني پت دجنګ داستان يم
****
زه ژوندی يم که ژوندی مې يو افغان وي
ټول جهان به خپلواکې ته مې حيران وي
دزانګو ماشومان واړه خداې به لوې کړي
زما نوم به تل ازاد افغانستان وي