مشفق حريتمل

ربه نــــــــــن چــــې پــــه دنـــيا اوســـېداى نـــشـــــم
دامــــــــــــې جرم دى لــــه دين تـــېرېـــداى نـــشـــم
زه دپاک قــــرآن خـــدمت پـــه ســــر اومــــــال کړم
چې په سترګوکې دچا غــــــړيداى نـــــــشـــــــــــــم
دسره اور کالـــي په تــــن دانګـــــــم ميــــــــدان ته
چا ويل چــــــــې زه پــــــه او ر ګـــډېــــداى نـــشـــم
ما دســــر په داو کې داسې خـــوند مـــــونـــــدلى
دجنــــــــــت پـــه بــــدل هـــــــم صـــبرېـــداى نـــشــم
دالله (ج)ديــــن په ننــــګ مــــې هــــــجرت کـــــــړى
چې اوس يو ښــــار نه بل ښـــــــارلره تلااى نــشم
دجانان په عشق مې زړه داسې ((خوږمن)) دى
چـــــــــې دحـــورو په ټکور جـــــوړېداى نشــــــــم
سر مـــې پرې شه په مـــيدان خو چې ټيټ مه شه

مړ به شــــــــم ((خوږمن جراح)) ماتيـــــداى نشم

مـــــــــټې مو لاستړى نه دي توره لاتېره ښکاري

غېږه دهيواد مو په غازيانو ښايسته ښکاري

شومې ارادې يې له لوخړو سره ګډې شــــــــسوې

شوبلې زغره والې يې لمبه شولې ايره ښکاري

غرونواو غونډيو په لمن کې کاڼي وســـــــــــاتل

بيابه دغليم ټنډه په وينوباندې سره ښکاري

ورشــه غليمګيه دهلـــــــــمند له څپو وپوښته

ستادنازولو پکې څومره ډېر مازغه ښکاري

هاغه ماذيګر چې دغازي درو په غيږ کې وي

مونږ ته له شېبو دجنتونو نه شېبه ښــــــــکاري

هـسي يـــــي له وهمه داډارن خلک لړزه وهي

نور دصليبيانو دوحشت بلاګئ مړه ښکاري

پـــــــوزې ته راغلي دوتلو لار ترې ورکــــــــه ده

نور يي دغرور کاسه نسکوره اوچپه ښکاري

باک نشته نړئ که مې فداجانان خودکش بولي

مــــــينه دبلبل ټپوس ته هسې ننداره ښکاري

مــــــونږ که متفق شوو اونفاق مو په سروواهه

دابه مو(تســـــــــــــله)ټول اولس ته تسله ښکاري

دايې خدمت دى ګران وطن ته چې پردي راولي

څوک پنجابي راولي څوک امريــکايي راولـــــي
په ځان کړي فخر چې دټول ملت واکدار ياديږم
چې تاوراتاو شي زمـــونږ مشــــربهرني راولـــــي
هله به ياد شي زمونږ مشر دخپلواک په نامـــــــه
چې ګـيدړان له ملـــــکه وباسي زمـــــــري راولي
انشــــــــــا‌ء الله دوى به مختوري له وطنـــــه وځي
مجاهدين خپلې لښـــــــــکرې اسلامــــي راولـــي
اې (فاطمي) هغه قدم لاندې قــــربان قـــــربان شه
کـــــــوم قــــدمـــــونه چې وطـــــــن ته ازادي راولــي

چـــې هـــر څــو ک زمـــا جانان شي بې وفا شي

نيم نيمګړى مې ارمان شي بـــــې وفـــــــــا شي
نه يې بــــــــدرانه لـــــيدل نـــــــــه اورېــــــدلـــــي
بس چــــــــټي راســـــــــره وران شي بې وفا شي
چې يې ســــــــم دمحبــت لارې تـــه جـــــوړ کړم 
بس رقيب سره روان شي بـــــې وفـــــا شــــــــي
زه دا خـــپل قــــسمت تـــه ډېر يــــــم فکر وړى
څوک چې ښه راباندې ګران شي بې وفا شي
 پــه زارۍ خــوارۍ يــې مــينې تــه تـــيار کړم 
بېـرته يـــو دم پښـــــېمان شــي بــې وفـــا شــي
زه سـاده افـــغــانســتـان شم ځان پرې وخورم 
يارمـــــې ټګ شـي پاکستان شي بې وفا شي
نور تــــــرې ځار هم نه وي بيا هم ورته خاندي
((عبــــاسي))چې ترې قربان شي بې وفا شي

څومر ه چې شيطان راباندې بد لګي

دومره غمازان راباندې بد لګي

ماچې داشنا په خوا کې نه پريږدي

واړه رقيبان راباندې بد لګي

ژوند ديارانې صادقانه  نه کړي

ورک يې کړه ياران راباندې بدلګي

سيده مې چې سم په سمه لاره نکړي

داسې دين ايمان راباندې بد لګي

خېټه چې ملکه کړي په ځان باندې

دارنګ ملايان راباندې بد لګي

غواړي چې تسبې په ميخانه کې هم

داګډ وډ شيخان راباندې بدلګي

مانه چې کړي پټ سره اننګي ديار

دومر ه لوى پېزوان راباندې بدلګي

زړه چې ((شريفي)) ورته کمزورى وي

شوخ نري چشمان راباندې بدلګي

 

وخت مو واخيست امتـــــــحان پټ پاتې نه يو

ولـــــيدلــــــو درســـــــــت جــهان پټ پاتې نه يو

دمــيــــــــدان دوړو دعــوه بــه يــو بــل نـــکــــړو

زه او ته هــــــم پــه مــيــدان پـــټ پــاتــې نــه يــو

خــــــپلـــه مـــاتـــې مـــنــل شــرم درته ښـــکاري

ګـــنې  نـور خــو په هيـــڅ شــان پټ پــاتې نه يو

چې دې څو ک پاتې مايوس له خپل هدف دي

يو پـــــدې کـــــــې ښه عـــــيان پټ پـــــاتې نه يو

کړي چې مرګ پکــــــې دژوند په ســــر وارونه

له هغــــــه جنګ مونږ ځوانــــــان پټ پاتې نه يو

ها دجنــــګ له لـــومـــــړۍ ورځــــــې تر دې دمه

چــــــې دى چـــــا کـــړى تـــاوان پـــټ پـاتې نه يو

نـــور دې لاس چپــــــوي مونږ دې لارې نـــيســـو

 يــو دې ســـم کـــلــک دښــــــمنان پټ پاتې نه يو

که ميډيا او مـــــــطبوعات يــــــې هر څــــه وايې

اى ((نيـــــک مـلــه)) په هـــــــر آن پټ پاتې نه يو

ستايم که دي ستايم که دي نه ستايمه ستايمه

ستايم خودي ستايم خوچه څنګه به دي ستايمه

(ارواښادخالص بابا)

څومره خوږتړون خاونده موجودزمااوستاترميان دي

محمد(ص)ستاهم جانان دي محمدزماهم جانان دي

(درويش درانى)

دپښتوفطرت مي دومره اسلامي دي

 که اسلام نه واي نو هم به مسلمان وم

(عبدالرحيم مسلم دوست)

زاردي امريکا له روس او روس دي زار له چينه شي

غــــواړمـه چه ټــــــوله دنيـــــامينه، مينه، مينه، شـــي

(استادفضل ولي ناګار)

مرغان دي راشي زمونږ لپو کي دي ځالي وکړي

غــــرمـــو نښتر نلـــــري کـــــلي موچـــــــــــنار نلرې

(پيرمحمدکاروان)

چه  دي غيږ کي وم سپيڅلي جنتي وم

چه په ځمکه مي پـــل ايښي ګنهګار يم

چه(ميم)مينه(و)وجــوداو(ر)مي روح دي

ستادنوم لــــه دغه دريـــــوټکوځــــــارشم

(حيات الله ګهيځ)

دژوندتوپان په يوه داسي موړ کي ودرولــــــــــــم

چې نه خومخکي تګ کوى شم اونه شاته واپس

(جلال امرخيل)

چې ديارنوم يې څوک اخلي ورپسې ځي

په اجمــــــل کې دامرض دلـــــــــــــيونودى

اجمل خټک)

زماپښتون غرور به نورڅومره په خاورو لړې

ستا په يارۍ کې ترژړاپورې راورسيدم

(درويش درانى)

دخداى لپاره پښتنو ځانونه وپيژنئ

ستاسولپاره خوبه ځانته پيغمبر نه راځي

(رحمت شاه سايل)

نه له کوره چيرته ځمه نه سفر کړم

بې ســـــــفره مې غوڅيږي لار دعمر

(رحمان بابا)

خلک پرې تيرشوي له ســـــــــــــرونو نه

خوله رانه خاطر په تشه خوله غواړي

(خاطر اپريدى)

راځه يوه شيبه مې مل شه زه يواځې يــــــــــــــــمه

په دې پردي ښارکې مې خپل شه زه يواځې يمه

زماپه لاسوکې يې کرښــــــــــــــــــې دبيلتون وهلي

په خوب وخيال کې مې کابل شه زه يواځې يمه

(عبدالباري جهاني)

 

نه راځې جـــــــانانــــــــه ښه پوهيږمه

بياهم انتظار وي چې داولې وي؟

څومره چې اوزګار دي په دې کلي کې

تاسره يې کار وي چې داولې وي؟

بس چې شجره دښکلو وګورې

ټول دننګرهاروي چې داولي وي؟

(مصطفى سالک)

اوس په نړۍ کي دوحشت دپاچاراج چليږي

اوس که راولويږي اسمانه څه خبره نه ده

(عزت الله ځواب)

دازړه هغې نارې کړې چې له چانه پاتې شوې

ماژر ټټر ته لاس کړ ماويل مانه پاتې شوې

راځه چې ديو عشق په نوم په سره لمونځ شروع کړو

له مانه هم داډيرعمر جانانه پاتې شوې

(اجمل اند)

دګناه کار چې وي ښه ورپسې ګرځې

دثواب کارچې وې نه ورپسې ګرځې

هغه پريږده،چې پرتاباندي مين دې

هغه وګټه ،چې ته ورپسې ګرځې

(اسلام ګل شيرزاد)

بس تاکې چې اوسېږم لېونې يمه وطنه

خندا سره دې خاندم اوله ويرسره دې ژاړم

(عبدالغفور لېوال)

وايي مرګ سخت دې روح له تنه جداکيږي مګر

مادوطن بيلتون ليدلی هيڅ پروا نه کوي

(عبدالغفور لېوال)

زماتت غوندې چراغ به په رښتياهم دښې نه وي

خوپه تاسو کې هم نشته روښان لمر دچاپه لاس کې

(دروېش درانی)

بېلتانه يم داسې حال ته رسولې

يار دبل درومي اوزه ورپسې ژاړم

(دروېش درانی)

حريت دهرملت دبدن زړه دی

که دانه وي هم ملت مري هم بقامري

(ګل پاچا الفت)

دابه بې وسه وه چې دې ته مخامخ ودرېدې

لمره ! ته راغلې اوسايې ته مخامخ ودرېدې

ستادمکارې قربانۍ نه خپله مور لوګی شه

غشي دې پټ کړل او ليندې ته مخامخ ودرېدې

چې دانسان دوينو څښلوتوان دې شولو تمام

وروسته له هغې نه کعبې ته مخامخ ودرېدې

په تورو خاورو دې پېرزو نه وو  يتيم بچيه!

دخپل شهيدپلار جنازې ته مخامخ ودرېدې

پرون که مونږ په خپل مالت کې ځای درکړای نه وای

نن به مو ولې دروازې ته مخامخ ودرېدې

((اتله))تاته جهانونه خپل صورت کې ښکاري

ته لاړې لاړې ايينې ته مخامخ ودرېدې

درقيب اودشيطان خوڅه فرق نشه

دفرعون اوهامان خوڅه فرق نشته

چې ماليار اوګل پخلانکړې سپرليه

بيا دستا اودخزان خوڅه فرق نشته

په هجران کې لږاميد دوصال شته دى

نور دمرګ اودهجران خوڅه فرق نشته

بې له ياره که بادشاه دټول جهان وي

دهغه ژوند او زندان خوڅه فرق نشته

چې خواږه زيري راوړي درته ((سعيده))

بيا ريبار اودجانان خو څه فرق نشته

زه او زه چې سره کېنو

ددنيا داشوم نېتونه

لويه زمکه کړي راتنګه

په مونږ دواړو

ناهيلي شي، ناهيلي شي

خومونږ بياهم دوجود له درېڅيو

دواړه يو بل ته اګاه شو

خاموشي وي

سوي سوي زګيروي اورو

نه پوهيږو

کوم تړون کومې خپلوۍ مونږ سره پالو

چې ددواړو وجودونو

په سړې چوپه چوپتيا کې

په رمزونو مونږ پوهيږو

په رمزونومونږ پوهيږو