مشتاق رحیم

ته چې مور يي نو دعا يې

د بچيو  دې     دنيا يې

او دژوند چې شې ملګرې

ټوله  مينه    او  وفا يې

ته چې خور شې نو هر څه شې

ته د ورور   ټوله   متاع يې

تاته لور هم     ويل    كيږي

ته  د پلار د زړه   رڼا يې

دتحسين سبب يې ته يې

د نړۍ    ټوله      ځلا  يې

چې دې هر رنګ كې انځور وي

د رحيم  د   بڼ     ښكلا    يې

نن بيا زما وطن ته خوشحالي ده په موســـــــــــــــكا

په ځوانو اننګو كې  مې مستي ده په مـــــــــــــوسكا

سمسور به ېې باغونه شي او غوټــــــــــــــــــۍ ګلونه

ماليار مې دچمن دې پسرلي تـــــــــــــــه په موسكا

له ډيرهجر نه پس زه او محبوب يو،يو ځاې شوي

ده وصـــــــــــــــــل په سبا كه روښناي ده په موسكا

چه هسكې مـــــــــــــو شملې د شمله ورو شولې بيا

نن بيا زمونږ جـــــــــــرګـــــــو ته مشري ده په مسكا

كوي غريب رحيم هـــــــــم پـــــــــــــه وياړ سره خبرې

دا ځكه چې يي غره افـــــــغــــانــــــــي ده په موسكا