نن رڼا رڼا ده ځان پکې لاهو په سترګو وینم

ستا اواز په سترګو وینم ستا خوشبو په سترګو وینم
د شیبې شیبې کیسه ده بس رنځیږم او رغیږم

نه مې رنځ په سترګو ښکاري نه دارو په سترګو وینم
نه مې ذکر په تیاره دی نه مې فکر په تیاره دی

حق او هو په ژبه وایم حق او هوو په سترګو وینم
دا ژوندون دی او که ګپ دی زندګي ده که ټګي ده

دا دنیا ده که فریب دی یو جادو په سترګو وینم
تر ګنګا او تر فراطه اباسین لاسونه کړي

چې لختي نه لپه ډکه کړم امو په سترګو وینم
کایناتو کې مې زړه او نظر ستړی شي سعوده

بیاچې سترګې غړومه خپل زانو په سترګو وینم