ساقی سترګو دجانان ته می رنګ غواړم
دا پیالې چی جنګوو سره شرنګ غواړم
پتنګان شول حسابی بله ډېــــوه کــــــړه
مُدعی شه شمعی بیا چی پتنګ غواړم
په هــــــوائې له دوهی یـــــــمه راوتی
خوب دزلفو پر بالښت چی ملنګ غواړم
ګوندی سرې چړی په ښکار کړي دميئنو
ايښی سر لکه ګډوری پر سنګ غواړم
پری ورځم کانی دباز کوم په جنګ کی
نن له سترګو دجانان سره جنګ غواړم
چی نشه سرتېر دسترګو په پیالو شوم
لیونی نه یم ساقی چی دې بنګ غواړم ؟!