چې زړه دې تنګ وي، او ته هیڅ نه وایې
په کور دې جنګ وي ، اوته هیڅ نه وایې
د خوشحال خان د غولي واکدار
زوی د اورنګ وي ، او ته هیڅ نه وایې
سوچ نهیلۍ دژوند کې ډوب وي
دستار ترنګ وي ، او ته هیڅ نه وایې
اند دې ګیر کړی وي چوپتیا په دام کې
څښلي دې بنګ وي ، او ته هیڅ نه وایې
دوکه فریب د وخت سیاست
نګه نیرنګ وي ، اوته هیڅ نه وايې
ظلمت دنور مرۍ پریکوي
د خطر زنګ وي ، او ته هیڅ نه وایې
د ځان ځانۍ په رنګ بهرامه
هر سړی رنګ وي ، او ته هیڅ نه وایې