ښه دي ښه دي واړه ښه دي
ستا په لاسو کې چې څه دي

روژه ماتي سره خوند کا
پاخه کړي مو سابه دي

موږ له دويي سره سم نه يو
موږه پلي دويي سپاره دي

سم به نه شي سم به نه شي
پښتانه واړه کاږه دي

ويښ به نه شي ويښ به نه شي
درانه خوب باندی ويده دي

ناری مه وهه زړګيه
دا له يو سره کاڼه دي

دا انګور چی بره ښکاري
لاس می نه رسي تروه دي

خاطر دي پري دروند مه شه
د څو ورځو ميلمانه دي

راځه غېږه کی می تود شه
کامه وال ياره ساړه دي