شـول پـه نفاق چې د زمــریو* بچي
کوي پـــرې راج د تــورو سپیو بچي

پــــــه اصفهان او هند يې راج کولو
چې پښتانـــــــــه وو، د سړیـو بچي

چا تــه غوپې اوس ورکولی نـه شي
دلته غـــوپې خــــوري د هیلیو بچي

هېواده! ولې دې ودان نــــه غواړي؟
هــېــواده! ستا د شپن خـــالیو بچي

تـــورو پيریانـو په لاریون کې بیسار
د شــنــو بــاغـــونـــو، ښاپېریـو بچي

غـر او ځنګل تـه يې سوُر اور ورکړی
ځـــالـــو کې وســـول د مــرغیو بچي

د “مولا جټ ” لباس به ژر پر تن کړي
اې ابـــدالي! ســتــا د پګړیــــــو بچـي

زیــــان د ایمان ګڼي، ټــپــه او ربــاب
د ملالــیـــو، درخـــــــانــــــیــــو بچـي

ســعــوده! سـتـا په شان د ستا ملګري
ســــعـــــوده! ټول د لـــېـــونــیو بچي
سعود بنګښ
زمریو* ازمریو..زمزری..ازمری