سر پې ورکړو او دوښمن مات په سنگر کړو
خپلواکي واخلو او مات د دوښمن سر کړو
د ښکیلاک دروهې ورشنډې جغ یې مات کړو
خو د واک په وخت موږ کوز کینو بل بر کړو
تش ستایل د خپلواکۍ څه گټه کاندي ؟
تور پنجاب ته که سر ټيټ لاس په ټټر کړو
دې زموږ په جهل زر وارې لعنت شه !
چې په مخ د نجونو بند د علم ور کړو
آزادي چې ورسره نه وي خپلواکي څه ؟
چې د تن واک مو د بل وي څه اختر کړو؟
له افغان نه په ښکاره غچ اخیستل دي
تور شیطان زموږ ولس چې در په در کړو
که آزاد یې نو د ږیرې واک دې خپل کړه
هسې نه چې بېواکۍ کې ځان ببر کړو
۲۰۲۲/۰۸/۱۸ – کوپنهاگن