دا خو نه ښه کیږي او نه زره خوشحال کیږي.
خدایه!زما نه به د کوم ژوندانه سوال کیږي؟

ځان ته په دې وجه رسۍ د دار تړلای نه شم.
زما په ذات کې څو کسان اوسي اوبال کیږي.

غم مې ملګری دی شېبه شېبه تر څنګ راسره.
درد مې هم خپل کیږي او هم مې کلیوال کیږي.

اې!داستا نشت دی او که بله یوه بلا هم ده.
په نه خبره مې له ځان سره جنجال کیږي.

د زړه پیوند څه دمنګی،یاکړکۍ نه ده کنه.
چې یا نجار ته وي اړتیا،یا په کُلال کیږي.

میوه چې ور نه کړي خاښونه یې خلګ خود ماتوي.
چې کله هم چرته پالنه د کوم نیال کیږي.

“کریمي” ګونګې آیئنې راته ژړاندې شولې.
اوس مې ژوندون ته ګُمانونه د زوال کیږي.