سوال راڅخه وشي د مرګي، ناهیلی کېنم.
ومې خوري دا خپله بې وسي، ناهیلی کېنم.

زه د بنجاره دوکان ته ځکه نه ورځم چې.
تا رایادوي ګېډۍ بنګړي، ناهیلی کېنم.

اخ! جوړه هینداره هم بې تابه شي راماته.
ګورم چې مې کرښې د تندي، ناهیلی کېنم.

یو خوا مې ویران حالت په ځان نه فیرزو کیږي.
بل خوا چې تا یاده کړم بیخي، ناهیلی کېنم.

ولې مرګی غواړم؟ ولې ساه راباندې بوج ده؟
ولې یمه تنګ له زندګي؟ ناهیلی کېنم.

اې له تانه وروسته داسې شوی یمه پیرې!
څوک چې مې له خوا نه رانه ځي، ناهیلی کېنم.

حق په حقو سترګو وینې بیا یې هم نه وایي.
ګورم چې دا خلګ “کریمي”، ناهیلی کېنم.

***************************************