وختـونه خـو بـدلیـږي، ته بـدلیـږی او کنـه؟
کاږه کاږه ســمیـږي، ته ســمیـږی او کنـه؟
یو زړی وهی تیغ له خاورو پورته شی چنار
ته پروت یی په عمرونو، پورته کیږی اوکنه؟
ساتونه ورځې شپې، میاشتې کلونه شي پیړۍ شي
په قــدر د وخــتـونو ، ته پـوهــیږی او کـنه؟
دا ځـمکه هـم زمان، وړ ګرځولې ده د ژوند
غـوښـتنو دز مان ته، تسـلیـمــیږی او کـنـه؟
پیـړۍ ده یویشــتمه، دا دویـمـه پیـړۍ نه ده
ښـونځي سره نفرت نه، په شا کیږی او کنه؟
مُلا د پوهې نوم و ، تل زمونږه په ذهـنوکی
لباس د معـرفت کی، څـرګـنـدیږی او کـنـه؟
بیـا هم کال نوی کیږی، ئی خبر به خامخا
خـو تـه بـه کلـیـواله! نوی کـیږی او کـنـه ؟
دسمبر/۳۰/۲۰۲۳
ایجکس- تورنتو – کاناډا