رپ رپ اورمه له تانه موسیقي

ستا په سترګو کې جانانه موسیقي
ستا له رګ رګ نه راګونه زده کوم

د زړګي درزا دې ګرانه موسیقي
زه دې عشق داسې سندره کړم اشنا

چې راګوري اوس حیرانه موسیقي
د غزل هره مصرع مې نڅوي

غږوي مې زړه کې ځوانه موسیقي
سره پلو کې مې یوه ګېډۍ نغمې

شنه لمن کې مې پرېمانه موسیقي
دا څپې څپې پردې پردې موزیک

سمندر کې ده روانه موسیقي
زه راڼه راڼه لفظونه شرنګوم

ما زده کړې له بارانه موسیقي
د ژوندون شېبه شېبه سرود سرود

له بهاره تر خزانه موسیقي
هېروي ورنه غمونه اندېښنې

په فنا ده مهربانه موسیقي