زړونه مو له زنګه خدایه وساتې
نور کلی له جنګه خدایه وساتې

ډیر ځلې لویدلي پاڅیدلي یو
بیا مو له ګړنګه خدایه وساتې

ټول عمر به شعر ته ریاضت کوم
ما د بل له رنګه خدایه وساتې

دا د اژدها پر ژامه پروت اولس
روغ د دیو له چنګه خدایه وساتې

ستا پر نامه سل ځلې شهید وطن
بیا د اور له څنګه خدایه وساتې

زموږه د ګودر د مازیګر ښکلا
مسته شوخ وشنګه خدایه وساتې

ښکلې د هادي د مات زړګي ستنه
دنګه غنمرنګه خدایه وساتې