په واویلا وم لکه نی په زنځیرونو باندې

وهلی چا وم ځی په ځی په زنځیرونو باندې
بیا هم نارې د بغاوت وهم ، خاموشه نه یم

وخت یم تړلی لکه سپی په زنځیرونو باندې
یا مې شېرین وجود دی شین ، د زمانې له لاسه

یا به وهلی یم خدی* په زنځیرونو باندې
غلیم هغه ته وي ولاړ ، چې وي کمزوری بېخي

دلته تړي خلګ مېږی په زنځیرونو باندې
روان بې غمه ؤ له ځانه ، ناخبره غوندې

تړلی چا ؤ لېونی په زنځیرونو باندې
په پټه خله بې حسه خلګ ورته ګوري اوس هم

پرهر ، زخمي زخمي سړی په زنځیرونو باندې
غلیم په دغه نیت ورباندې ګوزارونه کوي

لاش به واپس شي راژوندی په زنځيرونو باندې