ښه دی چي ونه درېد ښه دی چي روان ښه دی
هغې ويله چي نقيب تل پرېشان ښه دی

ماته تر مرګ ښايسته وو، ده ته زه تر ژوند بدرنګ وم
سترګي زما ښې دي، که زړه مي د جانان ښه دی؟؟!

جنت د حورو دی، دوزخ د شيطانانو ځای دی
خو د دې دواړو تر منځ زر واري انسان ښه دی

زه بُت پرست ومه، خو ما ويني توئ کړي نه وې
خو دوی ويله چي تر ټولو مسلمان ښه دی!!

له مودو وروسته يې کرم او خرابات وکړ
ساقي خو ښه دی، خو بيا دومره مهربان ښه دی

پرېږده چي وپنځوي ژوند ته د موسی مُعجزې
نقيب دننه ښه دی، روح يې پر ميدان ښه دی
13-01-2016
———