افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
1825 شاعران12192 شعرونه
غزل
دلته پریشانیو د سکون جونګړه ورانه کړه
هلته 5 آبیانو د پښتون جونګړه ورانه کړه
مونږته په بدل نوم چا پردۍ جګړه راوړي ده
جنګ پدې وطن کې د ژوندون جونګړه ورانه کړه
ھرپردي په مونږکې د نفاق تخم شیندلی دی
دلته ځانځانیو اوس د یون جونګړه ورانه کړه
ډېرو سیاسیونو د بدلون چیغې وھلي وې
ھغو سیاسیونو د بدلون جونګړه ورانه کړه
چا چې دې ملت ته د سمون وعده ورکړي وه
ھغه اوس پخپله د سمون جونګړه ورانه کره
مونږ خو د جګړې په ضد (قیام) ته راوتلي وو
نه پوھیږم چا مو د پاڅون جونګړه ورانه کړه