پـر ســرونــو او پــر زړونــو لـوبـې وشوې
د هـېـواد پـر ارزښـــتــونــو لـوبـې وشــوې
د نـړۍ پر مـخ يې ســارې لـيـدل ګـران دي
چـې پـر مـوږه د غـمــونـو لـوبـې وشـــوې
د نـظــر مـزې يـې هسـک تـه رسیـــدل بـه
هــم د هـغــو پـر خـيـالــونـو لــوبې وشـوې
غليم داسې جال کړ خپور په کې ښکيل کړو
نـنــګالـيـو پـر هـــوډونـو لــوبـې وشــــوې
جـنتـي وطـن يـې ټـول راتـه خـوږلــن کـړ
لا پـر مـوږه د اورونـو لــوبـې وشـــوې
ستـرو مـوخـو ته يې خـپل ژوند نظرانه کړ
څـه په ځـوانـو امـيـدونـو لـوبـې وشـــوې
د دې خـاورې سره لـعـلونه يـې ليـدل چې
د هـغـوي پـر بـاورونـو لــوبـې وشــــوې
پرسپيره دښـتـه يې شین چمن زرغـون کړ
پـر دا سـتـرو نـوښــتـونـو لـوبـې وشـــوې
د ژوند نـوي بـدلون هـڅو هاند ته ژمـن وو
د هـغـوي پـر ارمـانــونـو لـوبـې وشــــوې
د وطـن مـيـنـه کږليــچ لـري پـرې درومـو
د مجــنـون پـر پـرهــرونـو لـوبـې وشـــوې
پـيغلـو اوښـکې د ډـيـوو ځل ته کړي تــلـي
د مـيـن پـر شــوګـيـرونـو لـوبـې وشــــوې
زلمي وايې زمونږ مينه کی زواک شته دی
خـيــر که اوس د نـاتـارونـو لوبـې وشـوې