ګورئ افغانانو! یو له بل نه نفرت مه کوئ
ھسې په ھرچا پورې ناحقه تھمت مه کوئ

دومره ډېرګناه دی لکه څوک چې د ورورغوښې خوري
خدای پرې خفه کیږي له یو بل نه غیبت مه کوئ

خدای روزي رسان دی،په حلاله روزي وګټئ
واورئ مسلمانو په اسلام تجارت مه کوئ

څوک چې د وطن خاوره په نورو خرڅول غواړي
ھرڅوک چې وي وي به خو د ھغه بیعت مه کوئ

څوک چې بی ګناه مسلمان وژني جھنم ته ځي
ھیڅکله د چا په مرګ آرزو د جنت مه کوئ

پام مو وي عزت او ذلت دواړه دي د خدای سره
بی له خدايه طمع له هيچا د عزت مه کوئ

ګورئ چې زما قيام دا يو وصيت به ياد ساتئ
سم مسلمانان شئ په اسلام کې بدعت مه کوئ