په تا څه شوي وطنه
څه خطا درځنې شوې
چا ښېرا درپسې کړې
تا ته وایه چې ولې

سکون نه لرو په ځان کې
کله ځان سره په جنگ یوو
کله نورو ته غورځنگ یوو
کله خپلو ته نهنگ یوو

نه رڼا وینو کوم چیرې
نه سبا وینو کوم چیرې
هرڅه هرڅه که لرو هم
نعمتونه د دنیا ټول

خو تیارو سره مو سر دی
بل وطن ته مو سفر دی
تعبیرونه لټومه
د غمونو دې داستان ته

یا په زوره مو منلی
اسماني کتاب قرآن دی
یا نمیگړی مو ایمان دی
چې فغان مو تر سبحان دی

یا لوړ حس لرو په سر کې
د وطن د خپلواکۍ حس
یا ذهنونه مو خالي دي
د حرم د باغ په خیال مست