شـي دي اختر د عاشقانو اختر

د ښکلو پیِغلو د ځوانانو اختر
مونږ ډیرد وینو اخترونه تیرکړل

شي دا اختر دي د ګلانو اختر
د ګل غوټۍ دې ږلۍ ونه وهی

نه دی شي جوړ د ژړاګانو اختر

+++
په چنارو کی د ټالونو اختر

د خوشالیو او اتڼونو اختر
غواړو اختر د ورورولۍ اختر

نه د نفرت او د جنګونو اختر
د دښمنیو دي دښمن جوړ شی

شي دي د خدایج د رحمتونو اختر

+++
اختر د غم د ختمیدو زیری دی

اختر د درد د رغیدو زیری دی
اختر خوښې ده د خوارانو خوښې

اختر د ژوند د پیژندو زیری دی
اخترکی کرکه له هر زړه را وځی

اختر د مینې د خوږو زیری دی

+++
خدایه! اختر مو په ریښتیا اختر کړی

خدایه! اختر مو د خندا اختر کړی
خدایه! له غم او درد انسان وساتی

دا اختر خدایه! د دنیا اختر کړی
د فلسطین، اوکراین، افغان بچو ته

اخـتر د سـولې د صـفا اختر کړی

اپریل/۶/۲۰۲۳ ( د روژی ۲۷)