ګومان مې نشي که بهر له دې مکانه لاړ شي
بیا هم وهم چغې که غږ مې تر اسمانه لاړ شي

داسې څوک نشته چې یتیم له په سر لاس راکاږي
داسې به څوک نه وي چې حج له بې تاوانه لاړ شي

پوې شه چې چا له زړه او ذهن نه کوز کړی یی ته
ماښام بې رنګه شي او خوند چې له بارانه لاړ شي

هغه بیا بیرته راوستل هډو امکان نه لري
سړی چې مات شي او خفه له خپله ځانه لاړ شي

برباد خو یم خو چې لږ نور شمه برباد ښه به وي
په تلو خو ځي خو ویم چې سمه پښېمانه لاړ شي

څنګ به ته خرڅ شی ستا قیمت ډېر دی له دوه یوسفو
څوک چې بازار ته ځي نو لږ غوندې ارزانه لاړ شي

ته د کجورو باغ په مینځ کې د انګورو ونه
تاسره څنګ سړی په لاره ملاجانه لاړ شي