دا زړه مې ولې نن درزا کمه کړه؟
څړیکې مې ولې بدن ولړزاوه؟
دردونه ولې بې اثره شول؟
اوښکې مې ولې راتم کیږي نه؟
دا شپه اوږده شوه که زما خوب تللی؟
دا شوګیرې ولې خپل خوند بایللی؟
له پرهرونو ولې اه نه کوم؟
د شهید شوي یار احوال چیرې؟
بادونه ولې څه وږمه نه راوړي؟
زما له ستوني ولې غږ نه خیژي؟
زما حسونه ولې کار نه کوي؟
د مین عکس مې له دیوال څه شوی؟
سترګې مې ولې پړق او برېښ نه کوي؟
ښکاري ما لوبه د ژوند وبایلله
زه هم نور خوا ته د جانان روان یم
چې خدای پامان به راته ووايي؟
که ښه راغلاست ته به مې راشي اشنا؟