اوس د چا گرېوان ته لاس کړو
چې د مور وطن له غېـږې یې کړو په تېښته
ها د ثور برېتور انقلابیان
یا غوايي باندې سپاره مست جهادیان
د یو بل پر بام چې واورې غورځوینه
تکنوکرات، دیموکراتان که ملایان
شورویان، امریکایان شول په موږ ستړي
گاونډیان مو سر ته ناست دي غلیمان
پاکستان او ایران ډیر یو موږ ځپلي
چینایان مو خزانو پسې سرگردان
ائ زما د نړۍ بام خوږه هېواده
په قسمت دې دا څو کاله وو غوایان
خدای دې بیا اورو کې ښکېل نکړې وطنه
راپیدا به شي امان یا داود خان

۲۶/۴/۲۰۲۴
عبدالعزیز نایبي
ستاکلهم، سویدن